各地方地铁闹鬼大全(4)

　　荃湾车厂也有鬼

　　陈一直在荃湾车厂上班，原来荃湾车厂附近亦有怪事，「有几条路会传说话特别猛鬼，好似系荃湾车厂廿四路，果度系用黎泊车，果度好多车长都话撞到，但我都去过好多次，都见唔到。」

　　「其实都有几多人利用地铁来自杀，都曾经有些同事系夜晚停驶之後，由负责检查路轨的员工试过系路轨度见到断左手指脚指。」虽然这算不上是鬼故，但亦令人难以想像遇上这些事时可作出什麽应。「因为好多时跳轨的人畀车车中手手脚脚，所以痴住路轨又冇执到，所以都唔奇。」 陈指在一般发生跳轨事件之後，地铁公司方面亦会有所行动，「如果有人系地铁跳轨，公司都会安排拜祭，因为始终都系中国人社会，会烧元宝蜡烛，但求心安理得。而果班车个车长可以放三日假，或者做其他工作，叫做冷静下咁啦!如果个同事要求，公司都会安排心理辅导。」

　　陈亦不忘补充说，「如果你信系有鬼，做野果阵压力就会大。咁不如唔信，反而做野果阵唔洗成日系度惊!好似我咁，我都唔信有，所以即使去到盛传有怪事发生过的地方做野都未试过撞鬼。」

　　世界边处都有鬼

　　就地铁员工撞鬼事件，记者访问了香港鬼王邓光华法师。邓师傅不讳言，「呢个世界边度都有鬼!」他表示，「依家讲鬼呢个话题已经去到好科学化，有些外国的国家或者系日本呢方面已经好进步，不单止有专门研究灵体学会，佢地甚至可以用红外线影到鬼。美国几十年前已经有医生成功咁测出灵魂的重量，亦有博士研究到灵魂形状。」

　　至於地铁是否特别多游魂野鬼喜欢聚集的地方，邓师傅并不认同，「除非有一些地铁站特别多人跳轨，先至会咁多鬼，否则地铁都系同一般地方冇乜分别。」

　　「如果话系地铁见到鬼，多数都会系跳轨果个人本身好强壮，如果佢死果阵又有怨气话，当佢再吸收外来的能量就会好易成形，冇咁旺的人就好容易见到鬼。」

　　对於地铁职员提供的撞鬼经历，认为是有可能发生，「好似果个尾班车长听到有鬼讲个案其实都唔奇。不过听到鬼讲都有真假之分，假就系你食药，好容易会有幻听，听到未必真系鬼讲。真系你本身系一个好正常状态下听到声，都会有呢个可能性。因为有一些特别钟意骚扰人的灵体，佢地冇乜特别，只系想人知道佢存在。」

　　人鬼殊途互不犯

　　邓师傅解释，「如果一般人遇到鬼，除非佢天生有阴阳眼啦，如果唔系都系因为时运低所致。如果真系见到都唔会有乜野，因为好多鬼都系好善良，唔会特登去搞你。但如果真系唔想撞到，都可以系身上带一度护身符，佢地就唔敢埋你身。」

　　对于世间有没有鬼怪之说，精神科医生陈仲谋表示他个人并不相信，「我梗系觉得呢样野唔系真，只不过系一个假象。」

　　陈医生解释，「其实有好多因素可以解释点解人话见到鬼。最普遍有两个因素，分别系心理因素同环境因素。心理因素可以从一个人的心理状态去解释。好多时系人个心会形住有野，咁样特别容易产生幻觉。而环境因素就系四周环境可以影响一个人，令佢比较易有错觉。好似近排好多人会话长洲好邪，因为好多人系果度烧炭。所以，去到果度只要见到树影，或者有风吹，就以为自己撞鬼。其实，只不过系人因环境影响佢地，而唔系真系见到有鬼。」